ການສະໜັບສະໜູນການສ້າງຕັ້ງອົງການຈັດຕັ້ງຂອງຊາວກະສິກອນ

ຄວາມ​ເປັນ​ມາ​

​ອົງການ​ຈັດ​ຕັ້ງ​ຂອງ​ຊາວ​ກະສິກອນ​ແມ່ນ​ເປັນ​ອົງ​ປະກອບ​ອັນ​ສໍາຄັນ​ໃນ​ການ​ປັບປຸງ​ການ​ພັດທະນາ​ກະສິກໍາ, ​ເພີ່ມ​ອໍານາດ​ການ​ຕໍ່​ລອງ​ຂອງ​ຊາວ​ກະສິກອນ​ແລະ ສະໜັບສະໜູນ​ການ​ພັດທະນາ​ໃນ​ທ້ອງ​ຖິ່ນ. ​ເພາະສະນັ້ນ, ບັນດາ​ອົງການ​ຈັດ​ຕັ້ງ​ຂອງ​ຊາວ​ກະສິກອນ​​ມັນຈຶ່ງ​ປະກົດ​ຕົວ​ຂຶ້ນ​ຢູ່ໃນ ສປປ ລາວ. ສິ່ງ​ນີ້​ແມ່ນ​ມີ​ຄວາມ​ສໍາຄັນ​ຫຼາຍ​ເຊິ່ງຈະ​ມີ​ຜົນ​ຮັບ​​ຕາມ​ມາພາຍຫຼັງ. ສ່ວນ​ໃຫຍ່, ການ​ບໍລິການ​ດ້ານ​ກະສິກໍາ​ ແມ່ນ​​ໄດ້ໃຫ້ການ​ບໍລິການ​ແລະ ຕອບ​ສະໜອງ ​ໂດຍ ພາກ​ລັດຖະບານ (ສ່ວນ​ໃຫຍ່ ​ແມ່ນ​ວຽກ​​ສົ່ງ​ເສີມ​ກະສິກໍາ ​ໂດຍ​ຜ່ານຫ້ອງການກະສິກຳ ແລະ ປ່າໄມ້ເມືອງ) ຫຼື ພາກ​ເອກະ​ຊົນ​ທີ່​ຜ່ານ​ການ​ຮັບຮອງ​ແລ້ວ​ນັ້ນ (ບັນດາ​ບໍລິສັດ​ຕ່າງໆ, ​ໂດຍ​ຜ່ານ​ໂຄງການ 2+3).

​ໃນ​ສອງ​ກໍລະນີ, ບັນດາ​ຜູ້​ຜະລິດມີພຽງ​ແຕ່​ໄດ້ມີ​ສ່ວນ​ຮ່ວມ​ໃນຂອບ​ເຂດ​ການ​ຜະລິດ​ແລະ ການ​ຕອບ​ສະໜອງ​ການ​ບໍລິການທາງ​ດ້ານການຜະລິດ​ເທົ່າ​ນັ້ນ. farmer organizationsນອກຈາກ​ນັ້ນ, ຂີດ​ຄວາມ​ສາມາດ​ຂອງ​​ຊາວ​ກະສິກອນ​ທີ່​ຈະ​ເປັນ​ເຈົ້າ​ການ​ຕໍ່​ແນວທາງ​ຂອງການ​ພັດທະນາຈຶ່ງ​ມີ​ຂີດຈໍາກັດ. ສ່ວນ​ໃຫຍ່, ບັນດາ​ຊາວ​ກະສິກອນ​ແມ່ນ​ຢູ່​ໃນ​ລະດັບ​ການ​ຜະລິດ, ​ໃນ​ຂະນະ​ທີ່​ແຜນ​ຍຸດ​ທະ​ສາດ​ມູນ​ຄ່າ​ເພີ້​ມ, ສ່ວນ​ໃຫຍ່​ແມ່ນ​ສ້າງ​ໂດຍ​ບັນດາ​ບໍ​ລິ​ສັດ​ຕ່າງໆ (​ເຄື່ອງໝາຍ​ການ​ຄ້າ, ການຫຸ້ມ​ຫໍ່​ສິນຄ້າ, ​​ເຫຼົ່າ​ນີ້ເປັນ​ຕົ້ນ).

ອໍານາດ​ການ​ປົກຄອງ​ທ້ອງ​ຖິ່ນຍັງຈະ​​ພົບ​ຄວາມ​ຫຍຸ້ງຍາກ​ໃນ​ເບື້ອງ​ຕົ້ນ​ແລະ ການ​ສ້າງ​ຂະ​ບວນການ​ປຶກສາ​ຫາລືສໍາຄັນ​ໃນ​ຂັ້ນ​ທ້ອງ​ຖິ່ນຮ່ວມ​ກັບ​ບັນດາ​ຊາວ​ກະສິກອນ ​ໃນ​ດ້ານ​ການ​ພັດທະນາ​ຊົນນະບົດ ​ຕາບ​ໃດ​ທີ່​ ​ຊາວ​ກະສິກອນ​ຍັງ​ບໍ່​ມີ​ອົງການ​ຈັດ​ຕັ້ງທີ່ເປັນ​ຂອງ​​ເຂົາ​ເຈົ້າ​ເອງ. ​ນະ​ໂຍບາຍ​ການ​ພັດທະນາ​ກະສິກໍາ​ຫຼາຍ​ນະ​ໂຍບາຍ​ແມ່ນຍັງ​ຢູ່​ໃນ​ລະດັບ​ແບບ​​ລວມໆ​ຢູ່, ຍັງ​ບໍ່​ເຈາະ​ຈົງ (ກະຊວງ​ກະສິກໍາ ​ແລະ ປ່າ​ໄມ້ບໍ່​ມີ​ແຜນ​ຍຸດ​ທະ​ສາດສະ​ເພາະ​ເຈາະ​ຈົງ​ໃສ່ ການ​ປູກ​ກາ​ເຟ, ສາລີ, ​ເຫຼົ່າ​ນີ້​ເປັນ​ຕົ້ນ.), ​ແລະ ບໍ່​ສາມາດ​ຈັດ​ຕັ້ງ​ປະຕິບັດ​ໃນ​ຂັ້ນ​ທ້ອງ​ຖິ່ນ ​ເນື່ອງ​ຈາກ​ວ່າ ອໍາ​ນາດ​ການ​ປົກຄອງ​ທ້ອງ​ຖິ່ນ​ຍັງ​ຂາດ​ຂໍ້​ມູນ​ໃນ​ການ​ມີຫຸ້ນ​ສ່ວນຫຼື ຍັງ​ບໍ່ມີ​ຂໍ້​ຕົກລົງ​ກັບ​ພາກ​ລັດຖະບານ​ເພື່ອ​ກໍານົດ, ສ້າງ ​ແລະ ຈັດ​ຕັ້ງປະຕິບັດ​ບັນດາ​ນະ​ໂຍບາຍ​ເຫຼົ່ານີ້.

ອົງ​ປະກອບ​ນີ້​ຈະ​ຊ່ວຍ​​ເອື້ອອໍານວຍ​ຄວາມ​ສະດວກ​ໃນ​ການ​ສ້າງ​ຕັ້ງ​ອົງການ​ຈັດ​ຕັ້ງ​ຂອງ​ຊາວ​ກະສິກອນ​ໃນ​ເຂດ​ເປົ້າ​ໝາຍ ​ແລະ ສ້າງ​ຄວາມ​ເຂົ້າ​ໃຈ​ທີ່​ດີກ​ວ່າ​ເກົ່າ​ກ່ຽວ​ກັບ​ກົນ​ໄກ ​ເພື່ອ​ຊ່ວຍ​ໃນ​ການສ້າງ​ຕັ້ງ ​ແລະ ຂະຫຍາຍ​ອົງການ​ຈັດ​ຕັ້ງ​ຂອງ​ຊາວ​ກະສິກອນ.

​ເປົ້າ​ໝາຍ.

​ໃນ​ຂອບ​ເຂດ​ວຽກ​ງານ​ຂອງ NUDP ​ແມ່ນ​ເພື່ອ​ສ້າງ​ຕັ້ງ​ແລະ ການ​ສ້າງ​ຄວາມ​ເຂັ້ມ​ແຂງ​ໃຫ້​ແກ່ອົງການ​ຈັດ​ຕັ້ງ​ຂອງ​ຊາວ​ກະສິກອນ​ ​ໂດຍ ​ແນ່​ໃນ​ສອງ​ເປົ້າ​ໝາຍ​ຄື:

  • ປັບປຸງ​ຄຸນ​ນະພາ​ບຂອງ​ຜະລິດ​ຕະພັນ ​ແລະ ການ​ຜະລິດ​ເປັນ​ສິນຄ້າ​ໂດຍ ​ຕອບ​ສະໜອງ​ການ​ບໍລິການ​ໃຫ້​ແກ່​ບັນດາ​ສະມາຊິກ​ກຸ່ມຊາວ​ກະສິກອນ.
  • ອໍານວຍ​ຄວາມ​ສະດວກ​ໃຫ້​ແກ່​ຜູ້​ຜະລິດ, ສ້າງ​ຄວາມ​ສົນ​ໃຈ ​ແລະ ປັບປຸງ​ສາຍ​ພົວພັນ​​ໃນ​ການ​ເຮັດ​ວຽກກັບ​ບັນດາ​ຜູ້​ມີ​ສ່ວນ​ຮ່ວມ​ໃນ​ການ​ຜະລິດ​ເປັນ​ສິນຄ້າ​ມູນ​ຄ່າ​ຕ່ອງ​ໂສ້.

ບັນດາ​ກິດຈະ​ກໍາ/ຜົນ​ໄດ້​ຮັບ.

  1. ມີ​ຄວາມ​ເຂົ້າ​ໃຈ​ຕໍ່ຄວາມ​ຫຍຸ້ງຍາກ​ແລະ ​ໂອກາດ ສໍາລັບ ອົງການ​ຈັດ​ຕັ້ງ​ຂອງ​ຊາວ​ກະສິກອນ.
  2. ພະ​ແນ​ກກະສິກໍາ ​ແລະ ປ່າ​ໄມ້​ແຂວງມີ​ຄວາມ​ສາມາດ​ໃນ​ການ​ຕອບ​ສະໜອງ​ການ​ຝຶກ​ອົບຮົມ​ທີ່​ຕ້ອງການ​ແລະ ສະໜັບສະໜູນພະນັກງານ​ພາກ​ສະໜາມ​ຢູ່​​ໃນ 9 ​ເມືອງ​ແລະ ພະນັກງານ​ພາກ​ສະໜາມ​ມີ​ຄວາມ​ຮູ້/ທັກ​ສະທີ່​ຕ້ອງການ​ເພື່ອ​ອໍາ​ນວຍ​ຄວາມ​ສະດວກ ​ໃນ​ການ​ສ້າງ​ຕັ້ງ​ອົງການ​ຈັດ​ຕັ້ງ​ຂອງ​ຊາວ​ກະສິກອນ.
  3. ອົງການ​ຈັດ​ຕັ້ງ​ຂອງ​ຊາວ​ກະສິກອນມີ​ຄວາມ​ຍືນ​ຍົງ​ຫຼາຍ​ຂຶ້ນ​ແລະ ມີ​ຄວາມ​ເປັນ​ເອກະລາດ, ສາມາດສ້າງ​ຄວາມ​ເຊື່ອມ​ໂຍງ​ກັບ​ສະພາບ​ແວດ​ລ້ອມ​ຂອງ​ຕົນ​ໄດ້​ດີກ​ວ່າ​ເກົ່າ​ແລະ ມີຄວາມ​ຫຼາກ​ຫຼາຍ​ໃນຂອບ​ເຂດ​ຂອງ​ການ​ດໍາ​ເນີນ​ງານ​ຂອງ​ຕົນ​ເພື່ອ​ນໍາ​ເອົາ​ຜົນ​ປະ​ໂຫຍ​ດມາ​ໃຫ້​ແກ່​​ຊາວ​ກະສິກອນ​ຜູ້​ທຸກ​ຍາກ​ໃນ​​ເມືອງ​ເປົ້າ​ໝາຍ.